N o r d e s t - Ai Maestri BIAGIO MARIN e VIRGILIO GIOTTI

...Versi nell'aria quasi salati,

a rinnovar lo spirito sanguigno

come vin rosso 

di queste poetiche terre!

Grado in seppia  -  2014

N  o  r  d  e  s  t

di Manlio Visintini - 2007

 Trieste de sera

co sùfia la Bora,

xe conzerto de sartìe

e zighi de cocai

tra lusi che brila

verso Miramar

e odor de Carso,

profumo de vin Teràn

e sangue suto

che ancora urla

tra le piere...

E po Grado al vespero

dai muri salai,

indove finestre se impìza improvise

scaldandote drento,

squasi fussi Marin

a far strighèzi!

...De lontan

quela Venezia al ciaro de Luna,

tempestada de galassie

co' un leon fato de diamanti

che se distìra a Rialto,

vardando nere gondole

vestide de raso rosso,

portar nudi amanti

a la deriva...

assieme a le note de Vivaldi,

verso le stele...

____________________________________________________________________

Omaggio ai Maestri BIAGIO MARIN e VIRGILIO GIOTTI