QUEL 'NDAR IMPROVISO
La Poesia in lingua triestina
 |
| " Lelio Luttazzi " |
* * *
Quel 'ndar improviso
di Manlio Visintini - 2009
In do ciacole,
no se riva dir
...un do robe
de chi
no conossevo,
mi so però
che 'desso,
Lelio el xe sùso,
indove la luse guanta
forsi più del tempo,
indove anche l'eterno
se volemo,
xe quel fufignèz che sa de rose
che val un stagnaco de bori,
che ga le striche colorade
meo de quele
de l'arcobalen.
E qua semo
per averlo 'ncora drento,
'sto omo vero
...che la Poesia domacia
ne ga regalado in scarsela,
e che resterà indelebile
nel rosso inchiostro
del nostro cuor...
Quel inchiostro sbisighin
fatto de alabarda,
rosa dei venti e Carso,
squasi fio mataràn
de la stessa mama,
quela Trieste sempre incinta
de storie vere,
de Teràn... imbriago de amor,
insempià de ricordi,
...de nove speranze,
e de zelesti fiori.
Ω
(Omaggio a Lelio Luttazzi - 2010)
