MORTE DE UN TRIESTIN - Poesia

POESIA IN DIALETTO TRIESTINO

Morte de un Triestin

di Manlio Visintini - 1997

La sua ombra

se distira

vizin oci slavazai

carighi de roseri,

caprioi e caici.

El Sol

suga

quei patoc

tacai a le guanze,

e l'anima varda

in alto

oltra i alberi

strazai da la Bora,

e diventa

un sùfio che pindola

soto un Anzoleto

grando

come 'na farfala

che lo ciama,

suso.

Co' le ale

tociade 'ntel tramonto

ghe pitura un clanz

de somaco rossicio,

e vele come cristai

fate de incenso

zoiei e stele

come fussi za,

el Paradiso.

______

Poeta Nazionale italiano  -  Poesia in Vernacolo

Premio “Laurentum 1997”  ROMA

CAMERA DEI DEPUTATI  -  Sala del Cenacolo

Bora wind on the sea

* * *