Poesia in dialetto triestino.
A nudo il karma di Trieste!
 |
| "Interpretando Filippo Lippi" |
Trieste a dicembre
di Manlio Visintini - 2006
Un mar de zente
se missia per le strade,
e mile lusi lampa
a pindolon per tresso
sui traversoni de do bancarele,
che sta in pie per miracolo
davanti la cesa
de piaza Sant'Antonio...
Cocai e pagnaroi se sfida
a fregarse la molena
che la Bora scura
ga fato diventar griza,
el zuchero filado
svola verso suso
gnanche fussi pici nuvoli
curiosi de vardar meo
coss’ che nassi sul Golfo,
intanto che la Banda Refolo
imbriaga de morbin,
improvisa
la salta fora
...a ricordarne, forsi,
che la musica
ne slavaza el cuor,
come i cavei
la piova...
* * *
(a Virgilio Giotti)
Nessun commento:
Posta un commento