Poesia satirica anti-Potere 1998.
Anche el camel Giulio xe d'acordo!
* * *
I bolscevichi de Trieste
di Manlio Visintini - 1998
Basta vederli,
no ocori altro, ciò!
No ocori gnanche
che i verzi
quela bruta boca
pindolon,
che pesa almeno
quindise chili.
I ga el tacuin
cussì imbunido de bori,
che no i 'riva gnanche
tirarlo fora
de scarsela,
...co ghe servi!
Tapadi a fogo,
i spuza lo stesso
de freschin,
ma...
spero tanto
la Bora scura
improvisa,
...li sburti via.
Fazendoli caminar sul mar
tignindoli a gala,
almeno fin la diga.
Cussì in cuor nostro,
tornerà la vera pase.
Ω
Nessun commento:
Posta un commento